د پا
پ فرانسیس تابوت له واتیکان نه د روم مرکز ته په لېږدولو د جنازې عمومي مراسم پای ته ورسېدل او واتیکان تایید کړه چې پاپ فرانسیس د سانتا ماریا ماجوره کلیسا کې خښ شو. د ایټالیا چارواکو ویلي چې شاوخوا ۴۰۰ زره کسانو د پاپ په جنازه کې ګډون کړی و. دې مراسمو ته د نړۍ ۵۰ مشران او لس ولسمشران هم ورغلي وو.
لنډیز
- پاپ فرانسیس چې چې کابو یوه اونۍ مخکې مړ شوی و، له واتیکان بهر خاورو ته وسپارل شو
- د نړۍ ۵۰ مشرانو او لسو پاچاهانو سربېره د پاپ جنازه کې ګډون وکړ
- د امریکا ولسمشر ټرمپ د پاپ تابوت ته درناوی وړاندې کړ
- واتیکان: د پاپ د جنازې مراسمو ته له ۴۰۰ زرو ډېر کسان راغلي
- د الومړی ځل دی چې تېرو ۱۰۰ کلونو کې له واتیکان بهر پاپ خاورو ته سپارل کېږي
ژوندی پوښښ
وروستیپاپ فرانسیس خاورو ته وسپارل شو
د پاپ فرانسیس تابوت له واتیکان نه د روم مرکز ته په لېږدولو د جنازې عمومي مراسم پای ته ورسېدل او واتیکان تایید کړه چې پاپ فرانسیس د سانتا ماریا ماجوره کلیسا کې خښ شو. د ایټالیا چارواکو ویلي چې شاوخوا ۴۰۰ زره کسانو د پاپ په جنازه کې ګډون کړی و. دې مراسمو ته د نړۍ ۵۰ مشران او لس ولسمشران هم ورغلي وو.
وروستیتېرو ۱۰۰ کلونو کې لومړی ځل له واتیکان بهر خاورو ته د پاپ سپارل
پاپ فرانسیس وصیت کړی و چې له واتیکان بهر به روم ښار کې د سانتا ماریا ماجوره کلیسا کې خاورو ته سپارل کېږي.
وروستی پاپ چې له واتیکان نه بهر خاورو ته وسپارل شو، لون دیارلسم و چې په ۱۹۰۳ کال کې مړ شو.
پاپ فرانسیس هر ځل چې له یوه بهرني سفر نه وروسته روم ته راستنېده، ارومرو به سانتا ماریا ماجوره کلیسا ته ورتله.
پاپ فرانسیس ته له مریم مقدس سره ځانګړې مینه درلوده او د سانتا ماریا ماجوره کلیسا لومړنۍ کلیسا وه چې د څلورمې میلادي پیړۍ په لومړیو کې د هغې په نوم ثبت شوه. له دې امله، پاپ فرانسیس د دې کلیسا په قلمرو کې خاورو ته سپارل، چې له سمبولیک اړخه ځانګړې او ژور معنی لري.
0 Comments